ريفيو سنفرة وقناع بيزلين
11:25 ص
بسم الله الرحمن الرحيم
راح اكتبلكم عن تجربتي مع ماسكات بيزيلين استخدمت قناع للرؤوس السوده وسنفرة الجسم باللؤلؤ.
قناع للرؤوس السوده ينقي البشره ويزيل الرؤوس السوده من مكوناته قشر الصفصاف واكليل الجبل ونعناع .
استخدمته اربع استخدامات يستخدم على الاماكن الي تدهن عند اغلبناء وهيا الجبهه والانف والدقن فقط مو تسخدميه على الوجه كامل كميته كبيره تقدري تستخدميه اكثرمن مره ويختلف الكميه الي تحطيها انا ستخدمه بس للانف فراح يعمر معايه يوم استخدمته ماحسيت بفرق واضح بس نعمل المنطقه وشلي شوي من الرؤوس السوده بشكل سطحي يعني يادوب تشفيها يوم تحطيه بلسعك كانك حاطه معجون نفس الحراره بس لسعته خفيفه مو قويه ريحته عاديه واكثر شي استمتعت فيه هي شيلته احب الماسكات الي تنشال قطعه وحده وتعليبه سيي جداا .
سنفرة مفتحه للجسم باللؤلؤ تعطي نعومه ونضاره وترطب البشره مكوناتها بودره اللؤلؤ والارز والشوفان وشمع العسل وحامض اللبن .
استخدمتها مرتين تستخدم علي جسمك وهوا رطب وتخليها شوي وبعدين بحركه دائريه تشيليها كميتها متوسطه وفيها حبيبات زي منتو شايفين وانا متعوده على حبيبات السكر فحسيت بشي غريب ومع استخدامها ابدا ماحسيت ولا واحد بلميه بتقشير ولا خفيفه ابدا وريحتها ما اتقبلتها ومن ناحيه التفتيح فتحني بدرجه بسيطه جدا جدا وطبعا التعليب سيي جدا .
اسعارهم 12 ريال لكل ظرف .
0 التعليقات