منتجات خلصتها

11:41 م

بسم الله الرحمن الرحيم
 
 
 
 

 
اليوم حتكلم عن منتجات خلصتها ورائي فيها وكمان لو حرجع اشترها او لا 
 نبدا


 
 
 
 
اول شي كريم الجسم من مجموعه  WARM VANILLA SUGAR
 
اخذته من باث اند بودي من اسمه من مكوناته فنيليا وبروتينات الحليب وزيت نخالة الحليب .
ريحتها هاديه مو قويه ترطيبو جمممميل مايدبك يعطي نعومه وترطيب وريحته ولا اجمل حرجع اشتريه انشاء الله.
 
 
 
 
 
 
 
ومن نفس المجموعه   WARM VANILLA SUGAR
 
اخذت لوشن الجسم ريحته فنيليا وكمان فيتمين E وشيا اخف من الكريم اخذت الحجم الصغير حلو للسفر يتشربه الجسم بسرعه ومايدبك واخف من ريحه كريم الجسم .
 
 
اجمل شي بذا المحل يوم التخفيضات بجد مايمزح واسعارهم تسير اجمل ولا يفوتكم شموعهم جميله .
 
اخذتهم من دبي الكريم كان 55 درهم ولوشن 15 درهم .
 
 
 
 
 
مجموعه soap and glory
 
انا اخذت مجموعه السفر احجامهم صغيره وكميتهم جميله للي حابه تجرب وماتبغا تتوهق بلحجم الكبير المجموعه فيها مقشر وزبده الجسم وكريم اليد وشور جل ومعطر جسم ومرطب بنفس الوقت .
 
سوب اند قوري اشكالهم تاسرني وريحتهم جممميله نبدا باول شي
المقشر اسمو فلاك اوي تقشير جميل مو قوي ولا ناعم متوسط وماينشف الجسم .
زبده الجسم حبيت ترطيبها وماتدبق ابدا وريحتها طبعا دماار وتتشربها البشره .
كريم اليد ترطيبو جميل ومايدبك والشور جل عادي.
 حرجع اشتري المقشر والزبده الحجم الكبير
 اخذتهم من بوتس سعرهم 90 ريال .
 
 
 
 
 
 
مقشر الجسم من treacle moon
 
بتوت جممممممممميل وتقشير اجمل حبيته ماينشف الجسم ينعم الجسم وتحسي بشرة جسمك فيها حياة جمميل جماال مالو مثال حرجع اشتريه اخذته من بوتس ناسيه بكم .
 
 
 
 
 
 
مقشر الجسم شفا بلنعناع
ماحبيتو ابداً والحبيبات الي فيه كبيره وماتذوب وينشف الجسم مايسوي أي شي
سعره 15 ريال .
 
 
 
 
زبد بدي شوب جميله وكمان موجود عندهم ترطيب عالي ومتوسط وعادي انا كاتبه عنهم هنا حرجع اشتريهم اكيد.
 
 
 
 
 
 
 
زبده بالمرز بالكاكاو وفيتمين هـ
اجمل شي في الدنيا وتقدري تستخدميه فكذا شي استخدميه لترطيب الجسم او الوجه او الرجلين الشفايف لكل شي جميل جميل ترطيبه عالي للي حابين ترطيب عالي وكمان للاكواع والركب فضيع ينعم الجلد الخشن وكمان لعلامات التمدد الي تجي في الجسم تساعد انو تروح وماتترك اثر تلاقيه فجميع الصيدليات سعره 20 ريال .
 
 
 
 
 
 
مزيل التعرق Lady speed stick
 
مزيل يمنع التعرق من قلب ينفع للجامعه والي يعرقو كثير بس لازززززم بعد ماتجي من طلعتك وانتي مستخدمتيه تقشري المنطقه عشان تتنفس بعده وما تسمر المنطقه انا حبيته وما حبيته  حبيته لانو بجد مايخلك تعرقين ابداً وماحبيته لانو حسيت بالم في المنطقه وتركته وحالياً ادور بديل .
تلاقوه باغلب الصيدليات 15 ريال.
 
 
 
انشاء الله اكون افدتكم .
 
 
 
 
 


 

You Might Also Like

0 التعليقات

'; (function() { var dsq = document.createElement('script'); dsq.type = 'text/javascript'; dsq.async = true; dsq.src = '//' + disqus_shortname + '.disqus.com/embed.js'; (document.getElementsByTagName('head')[0] || document.getElementsByTagName('body')[0]).appendChild(dsq); })();