Sephora.sa's Haul || تجربتي فالطلب من موقع سيفورا السعودي

4:24 ص

(بسم الله الرحمن الرحيم)








 حبيت علبة السعادة 
انا طلبت التغليف يكون هديه


طلبت شغلات بسيطة بحيث اجرب الموقع ولو كانت تجربتي كويسه رح اعتمده

وفعلاً اعتقد اني رح اعتمده دايما لانو مشكلتي داااايما مع محلات سيفورا الموجود بالطائف دايم الاي ابيه مخلص لانو الفرع الوحيد فلمنطه للاسف فشفت انو الموقع يسهل علي اشاء كثير ويكون كل الي ابيه موجود فذا الي حمسني انو اجربه وقلت انقلكم تجرتي .
 


الطلب والتوصيل ما اخذ مني اربع ايام والطلب واصل واكثر شي حبيته موجود عندهم الدفع عند الاستلام .
وكمان عندهم التوصيل مجانن للي طلبها فوق 350  ريال


وذا كان طلبي طلبت كم شي من باب التجربه واكثر شي حبيته انو تختاري ثلاث عينات تجيك مع الطلب .


و أخيرا ً
هذا هو رابط الموقع السعودي "

واشوفكم بتدوينه ثانيه .

موقع lens.me وتجربتي معاه

3:29 م

(بسم الله الحمن الرحيم )





قبل كم يوم طلبت من تاجره عدسات من انستازيا ومررره كنت ابيها وقالتلي مخلصه استني شهر وارجعي كلميني ويوم شفت الموضوع راح يطول رحت ادور موقع يكون موثوق واصلي وطحت عليه بعد عناء .





اخذت ذي العدستين من انستازيا ويوم وصلو خفت من الالوان الي بلعلبه صراحه انصدمت بس يوم شفتها علي العين من جدددددد تفرق مره طبيعيه ومريحه.

الموقع مره سهل عند الطلب واخذ اربع ايام الين يوصل الطلب يوصل عن طريق ارمكس وكمان عندهم الدفع عند الاستلام بدون رسوم يعني بس سعر العدسات فقط وعندهم انواع كثيره انشاء الله اجربهم قريب .
الشي الوحيد الي ماحبيته انا طالبه عدستين وحاطين محلول واحد فقط .

رابط الموقع ------> https://www.lens.me 







يوم تشترين عدسات اهم شي قبل الاستخدام تطلعينها من العلبه وتحطيها بعلبتها وتحطين المحلول وتخليها يوم قبل الاستخدام عشان ماتعورك وتحمر عيونك .

شامبو تريسمي و ماسك المكديميا // Tresemme& macadamia

10:17 ص

( بسم الله الرحمن الرحيم )






مساء الخير .
اليوم حتكلم عن منتجين غيرو شعري ومرره فرق عن قبل .
قبل ابدا بوصفلكم شعري انا سحبت شعري مرتين ومرره تعب وجف وتقصف ومنتج من المنتجين غير شعري مرره وحسنه عن قبل بكثير الحمد الله وبدا .



اول منتج شامبو تريسمي ( كثافه 24 ساعه )
يطعي كثافه للشعر تحسينه صحي ومو هابط ويعطيكي شعور جميل لانو انا اعاني من شعري لانو نفس الشعره خفيفه فتحسينه هابط وبدون حيويه.
 نتيجته:
 يعطي الشعر كثافه بسيطه وذا الي كنت احتاجه جمممميل .



وثاني منتج ماسك الشعر من مكديميا ترطيبه عميق ويعيد بناء الشعر التالف ولانو شعري متقصف وتعبان بعد الصبغ فجربته وكان المنقذ لي ومره فادني ورجع شعري صحي وفيه لمعه وهوا كان اكثر شي تحمست له من مجموعه المكديميا وكثير خوفوني وقالو ماينفع لشعرك لانو جذورك دهنيه ودهن شعورنا فجربته وعرفت انو طريقتهم كانت غلط وبدل مافادهم مانفعهم .
طريقتي للماسك :
بعد ما اغسل شعري من الشامبو ويكون رطب مو مره مبلل شوي اوزع الماسك بلفرشه على شعري بس ابعد عن الجذور واكمل الين الاطراف وما اقرب ابدا على الجذور لانو راح تدهن واتركه 20 دقيقه واغسله وريحته جميله جدا .

* قبل ماتغسلين شعرك مشطيه قبل عشان يسهل عليك تمشيطه بعد الغسيل ولا راح يتشابك .
* يوم يكون مبلل استخدمو المشط الخشبي افضل .
وان شاء الله استفدتو اشوفكم ببوست ثاني .