ريفيو فرش ريل تكنيك
2:54 ص
بسم الله الرحمان الرحيم
حتكلم اليوم عن فرش ذا ريل تكنيك الفرش لخبيره عندها قناة على اليوتوب الفرش شعرها صناعي ومقصوصه يدويا وتستخدم للمنتجات الباودر والكريميه جودتها جميله جداً وسعرها مو غالي .
المجموعه الي عندي مجموعه الوجه مكونه من اربع فرش وقبل ما ابدا حابه اقول انه لاتقيدي نفسك فأسم الفرشه وفي ايش تستخدم يعني استخدامات الفرش تختلف من شخص لثاني واستخدمي الفرشه الي تريحك وتحسي بنتيجه في استخدامها حتا لو كانت مخصصه لشي ثاني يعني في شخص يستخدم الاضائه بفرشه للدمج وفي شخص بيدهم وشخص يحطها بقرشه مخصصه للاضائه فلا تقيدي نفسك واليوم حكتب عن الفرش واستخداماتها واستخداماتي .
Buffing brush : للباودر والاساس .
استخداماتي لها احط فيها الاساس والبيبي والسيسي واستخدمها مع البرونز وذا بحط بلشر كريمي .
Contour brush : للكنتور يعني لتحديد الوجه .
استخدمها للكونسيلر تعطيني تغطيه جميله وما يخطط وكمان للباودر لتحت العين .
Pointed foundtion brush : للاساس السيل .
استخدمها للماسكات والاضائه الكريميه ولتوزيع البرايمر .
Detailer brush : للاماكن الصغيره الي تحتاج تغطيه .
استخدمها لتعديل الايلاينر وكمان احط فيها اضائه لمدمع العين وانظف بيها تحت الحاجب واحدد فيها الشفايف واحط فيها شدو تحت العين لانو حجمها صغير .
المجموعه جميله وعمليه وغسلتها اكثر من مره وماطاح شعرها انصحكم فيها جد مجموعه العين والوجه الوحيدين الي تجي معاهم شنطه تنفع في السفر واذا غسلتيهم تنفع تحطيها فيها بلمقلوب الين تنشف .
سعرها 98 ريال موجوده فسنتربوينت .
0 التعليقات